Prometeus - La Revolucion de los Medios

Iruzkina

Prometeus, la Revolución de los Medios

Bideo honek fizkiozko (edo litekeena?) etorkizun batera eramaten gaitu. Izan ere, narratzailea Philip K Dick-en abatarrak (pertsonai birtuala) hitz egiten digu 2051 urtetik, gaur egun data hori arte zer gertatu den kontatuz.

Irudikatzen den gizartea honako hau izando litzateke: errealitatea eta mundu birtuala bat izando dira, eta bizitza erreala (gaur egun ezagutzen duguna) guztiz integratuta egongo da sarean, Interneten. Gizakiok abatar bana izando dugu, eta harremanak acatarren bidez emango dira.
Beste aldetik, informazioa sortzeko eta eskuratzeko mekanismoak zeharo aldatuko dira. Izan ere, gaur egungo informazio enpresa nagusiak (BBC, New York Times, etabar) egunotan erabiltzen dituzten komunikazio bideak alde batera utziko dituzte, Interneten murgiltzeko.
Gizaki berri hau Jainkoa izango da. Botere integrala (informazioa sortzearena, kontsumitzearena…) izango du leku guztietan, momentu guztietan: “Man is god”. Eta hemen dator nobedaderik handiena: Jainko hau edonor izan daiteke. Izan ere, figura berri bat agertuko da: “prosumer”-rarena. Prosumerra informazio guztien sortzailea eta kontsumitzailea izango da, eta gutariko edonor izan gaitezke Prosumerra.

Hau guztia bideoan agertzen den beste ideia nagusi batekin lotu dezakegu: “Knowledge flow”. Alegia, sarearen nagusitasunaren ondorioz, ezagutza (edonork sortutakoa gainera) norabide guztietan garraiatzen da. Are gehiago, ezagutza honek ez du zertan teorikoa edo “intelektuala” izan behar, “experience, the new reality” bihurtu delarik.

Beraz, aldaketa hauek guztiek “puntu sin retorno” batean kokatuko gaitu bideoaren arabera…baina halaxe izango ote da?

Nire ustez, egia da errealitate birtuala horrek gero eta garrantzi handiagoa duela eguneroko bizitzan, eta informazioaren sozializazio esparruan batik bat. Alabaina, kostatzen zait irudikatzea bideoan deskribatzen diren gertakari guztiak benetan eman ahal izatea. Izan ere, nire ustez, bideoak ematen dituen datak oso hurbil daude, eta ez dut uste aldaketa hain sakonak emango direnik epe laburrean. Esaterako, egunkari, irrati edo liburu tradizionalak ez direla desagertuko uste dut, nahiz eta Interneten egon. Gehiago iruditzen zait tradizioa eta birtualtasuna elkarrekin biziko direla denbora luze batean, Internetek ez baitu betetzen sistema tradizionalek eskaintzen dutena kontsumitzaileari. Esaterako, liburuen kasuan, ez dut uste liburu birtualek edo elektronikoek lekua kenduko dietela tradizionalei, soporte elektronikoak garestiagoak izango direlako eta irakurketa ez delako berdina.

Hala ere, argi dago etorkizuneko belaunaldiek apostua egingo dutela Internetarekiko eta errealitate birtualarekiko, eta bai iruditzen zait bideoan agertzen diren hainbat hipotesi egiazkoak bihurtuko direla etorkizun (hurbil?) batean. Horretarako prestatu beharko gara beraz!!