KONPETENTZIA DIGITALA

Konpetentzia digitalari buruzko ikuspegi ezberdinak jaso nahi izatekotan, ikusi honako bideo hauek!

Hemen aurkeztutako bideoek konpetentzia digitalari buruzko ikuspegi ezberdinak aurkezten dizkigute. Izan ere, lehenengoan, Teknologia Berriek eskaintzen dituen aukerak eta abantailak hezkuntza arlorako oso modu eskematikoan laburbiltzen da: aukera ematen digute klasean lantzen duguna benetan esperimentatzeko, bizitzeko, ikutzeko… Ikasleek ez dute gehiago imajinatu behar Grezian bizitzea nola izango litzatekeen, Teknologia Berriei esker posiblea da iraganera bidaiatzea bizipen sentsorialak horrela ahalbidetzen baitu.

Bigarren bideoan, ordea, konpetentzia digitalaren azterketa kritikoak egiten du Tiscar Larak, Carlos III unibertsitateko irakasleak. Izan ere, irakurmen eta idazte prozesu digitalak ondo kudeatu ahal izateko, ezinbestekotzat jotzen du sarean dagoen informazioa aztertzen, bilatzen, interpretatzen eta ekoizten jakitea.
Pribatutasuna, merkatu digitala nork kontrolatzen duen (hots, nork ateratzen dituen etekin ekonomikoak)…hau guztia ikertu egin behar da erabilera egokia egin ahal izateko.
Kultura digitalaren kideak garen heinean, gure ardura da ere teknologiak modu zintzoan eta artatsuan kudeatzea: sarea ekosistema bat da, babestu beharrekoa. Hori dela eta, kultura digitalaren aktibistak izan behar gara. Alegia, eskuratzen dugun ezagutza erabili, aipatu, eta itzuli egin behar dugu, elkartruke bihurtuz.
Energia bezala, modu horretan ezagutza ez da galtzen, transformatu egiten da.